Raportuesja për Kosovën në Parlamentin Evropian, Viola von Cramon ka reaguar ashpër ndaj ambasadorit amerikan në Kosovë, Philip Kosnett.

Komentet e ambasadorit lidhur me seancën e mocionit të mosbesimit, Cramon i ka quajtur të papërgjegjshme dhe të pabesueshme, transmeton portali arbresh.info.

“Një qëllim i vet i ShBA-ve në #Kosovo me një dimension historik. Si mund të jesh i kënaqur ti, një ambasador të shohësh një qeveri funksionale të bie në kohë pandemie të koronës? E pabesueshme. Papërgjegjshme. Ndiej tmerrësisht keqardhje për qytetarët e #Kosovës. Ata nuk e meritojnë këtë”, shkruan deputetja gjermane.

Kujtojmë se Kosnett shprehu mbështetjen për mbajtjen e seancës, duke thënë se Kushtetuta duhet të respektohet.

“I kënaqur që Kuvendi do të zhvillojë një seancë për votimin e mosbesimit nesër. Siç i thashë sot kryeministrit, është e rëndësishme që Kuvendi dhe të gjitha institucionet e Kosovës të respektojnë Kushtetutën”, shkruan Kosnett.

Ndryshe seanca do të mbahet nesër (e mërkurë) me fillim nga ora 11:00./arbresh.info/